Manawa mein mere aandhi hai uthi, bas stubdh khadi hoon main
saanson mein paar apani hi saans, nishabd khadi hoon main
duniya se jeeti jeeti, khud se haari bas dhwast khadi hoon mein
aaina main aur aks main, madmast khadi hoon main...
Cham cham cham cham jhanjhwaat, antar mein gunje divas raat
ek shunya shunya, tapti vishal, maaya ka madhyam mantra jaal
mann ki dasha se ladati main phirati vishwast khadi hoon main
mari laaj main hoon, chunar bhi main hoon, chunar pe daag bhi main..
Main dhwast dhwast, main nasht mast, main saral viral main ativishti
main shaam shwet baadal me rate, nirjhar si jhari hoon main
andhiyaari raat deepak mein baat swapnil si bhari hoon main
kanchan ki kaaya apna hai saaya bas khud se ladi hoon main
lakadi mein gili thodi simi simi tham thamke chali hoon main
hai maaya maaya hai chhaaya chhaaya aatma par saaya main
nistubdh khadi hoon main, nishabd khadi hoon main
vishwast khadi hoon mein.....
No comments:
Post a Comment